Xornada vinte e tres da segunda división do Condado, disputada no pavillón de Mondariz, onde o San Lorenzo conseguiu o ascenso matemático a primeira división, xa que o terceiro clasificado atopase a mais de nove puntos, que son os que quedan en xogo.  O conxunto de San Lorenzo foi superior ao conxunto de Ponteareas, aínda que en moitos compases do partido puxo contra as cordas ó equipo lourenzá .

Serian os de Salvaterra quen estrearían o marcador, xa que no minuto 2, Lobo asistido por Noel, faría o 0 a 1. E no minuto 14, Marce remata a gol un saque de esquina botado por Pablo. A partir deste momento o San Lorenzo baixaría os brazos e o CA Sportivo tería tódalas ocasións, e estivo en certos momentos de subir un tanto o marcador, pero o gol chegaría despois dunha pena máxima moi rigorosa que transformarían os locais no minuto 17 de partido. Este marcador non se movería ata a remate da primeira metade.

A segunda metade foi de claro dominio visitante, e os goles caerían ao seu favor. No minuto 29 Bruno, asistido por Pablo asinaría o 1 a 3. No 33, Lobo, despois dun gran pase de Joaquin subiría un tanto mais. E tan so un minuto despois Bruno faría o 1 a 5. Un minutos de desvaraxuste local que aproveitaría moi ben o conxunto lourenzá. Non remataría a racha goleador dos visitante, e no minuto 40, Bruno, para facer un hat-trick, poría 1 a 6. No ultimo minuto do partido, os locais aproveitaron un erro na defensa visitante para facer o definitivo 2 a 6. Tres grandes puntos que saben a ascenso.

Para a próxima xornada o San Lorenzo FSM xoga as 17:00 horas no pavillón de As Neves contra o ACD Sobroso. Moita sorte!